حرموني منك يا بعد الروح

السلام عليكم
.........................
حرموني منك يا بعد الروح و عنك ابعدوني
كل ضنهم انه انساك عبالهم حبنه ينسوني
ما يدرون دلالي يمك و انته النظر لعيوني
و انته الهوا و الماي و انته الرمش بجفوني
شلون اكدر انساك شلون يا ناس فهموني
شوف يا بعد الروح شلون بيه يرغبوني
گالولي حلو و زين و عليه البنات يحسدوني
نيشاني محبس ذهب و سوار الماز يلبسوني
سبورتج و بي ام و حته طيارة يركبوني
و بأغلى و احلى قصر بأمريكا يگعدوني
ناس زناكـــــين و بالفلوس رح يغركوني
ارضه بابو الشهادة و چثير المال يردوني
عبالهم مثل الجهال و بنســـتله يقنعــوني
شجاكم يا اهل الغيرة لحــــــالي عوفــوني
ماريــد الحلو انه على المحبـــوب ودوني
وماريد انه ذهب و فلوس وبالفگر خلوني
ما دام هواي يمي الدنيه جنة صدگوني

اتمنى تكون عجبتكم وبأنتضار ردودكم الحلوووة

ما دام هواي يمي الدنيه جنة صدگوني

عاشت الايادي معبره كلش