افرح يا كلب

موضوع: افرح يا كلب الجمعة مايو 02, 2008 7:24 am

بتنا اللى سبتة من سنين بيت ابويا وامى واخواتى الطيبين
عادت لى ذكرياتى اصلها تعود لى اما اكون حزين
شفت البسمة والفرحة ابويا وامى دايما كانوا سعداء وفرحنين
جو اسرى اجمل منة ما يكون حتى ولو كنا حالمنين
مش هاقول لية السعادة كانت رخيصة وسهلة للمحبين
كل شىء كان بسيط ومن بساطة الحياة كان الحديد لها يلين
شفنا الهنا مليون هنا عمرنا ما جة لنا مرض ولا انين
عدت سنين عمرنا لكن القدر لعب لعبتة وصمم يشوف انين
بص القدر على ابونا وسحبة من بين اسرتة بخطى وحنين
واستكترت الدنيا علينا لازم تشوف عيونا واحنا مدمعين
راحت امنا وهى كانت بضمنا لكن هنبكى على مين ولا مين
واتفرقنا وكل واحد ذهب يبحث عن رزقة بعد ما كنا متجمعين
ابكيك يازمن ولا ابكى هم السنين
فين زمانى السعيد ولا مكتوب على غربة وشقى وحنين
افرح ياقلبى واخرج ضحكتك الامل موجود عمرنا ما كنا محرومين
الجنة نعشها بارضنا فرحة وسعادة وهنا طول السنين
شفنا فى حياتنا كلها اشياء جميلة وحلوة الحلويين
مش عاوزة وصفة طبيب ولا روحة لحى العطارين
خدها ببساطة ورضا يكفينا شر المغرورين
العمر لازم يعدى ومنقولش الدور على مين
الحب فى حياتنا سند فى بورصتة احنا الربحانين
ومهما طالت السنين هنعيش ودايما فرحانين
لايهزنا غدر السنين لاننا ولدنا كلنا مؤمنين
هارجع لبيتنا القديم واضم اخواتى الطيبين
هارجع لبيتنا القديم اللى فية ذكرى السنين
هارجع لشارعى وبحرى وقهوتى ولياليا واهلى المشتقين
هارجع لاصحابى وعزوتى وضحكتى اللى صداها لة رنين

تحياتي