بسم الله الرحمن الرحيم
هاي مجموعه ومضات انشاء الله تعجبكم
من ردت عينك والله شفت اعيون
ومن ردت الوجه شفت الشمس طلعت
ودرت الشعر رأسأ اجانه الليل
لأن خافت شمسنا وبالعجل شلعت
اذا عينك سفينه تسابق الاعصار
أكيد السفن يمها بلا وشك ترسي
ولأن خايف تحسدك ياحبيبي الناس
عليك اقرى الفلق واقره ايه الكرسي
جمالك معجزه وخدين مو خدين
وكلش ضاويات ونورهن يسطع
وهيه المعجزه بخدودك الحلوات
لأن اول كمر ويه الشمس يطلع
اني اكثر حزن من حزنك اعليك
نيشاني التفت بس دك على متوني
لو شفتك تهل ادموع عالوجنات
انه بلا شعور ابجيلك عيووني
من كد ماترف ينشاف بيك الماي
وتخجل من ضواك وتنطفي الشمعه
وأظن عشرين وأكثر حملت امك بيك
لان دكه جمالك مو شغل تسعه
تحياتي
مـلــك بـابـل
السبت أبريل 19, 2008 4:34 am
