شعر حازم جابر.... منقول عن الفنان قيس هشام ....

بسم الله الرحمن الرحيم
بعد التحيه والسلام
هذه الشعر نقل عن حازم جابر
واتمنه ان تقبلوه هديه مني الى جميع مشتركي منتديات هواجس العراق
والى المبدعين زيد البابلي+فرح+ريم العراقيه+زيون
...........................................................
مهما بعدنا الزمن **** وبعدتنا الولايات
يجمعنا حب الوطن **** شما تبعد الخطوات
بغداد حضنك دفو **** وننام مرتاحين
ولا بد يعدي الحزن **** يا أمنا لا تبكين

أطياف ومذاهب نعم **** نختلف بالأديان
لكن أبونا الوطن **** ونعيش كلنا أخوان
من غير بيت وأهل **** ما ينفع الإنسان
الغيمة لا ما تظل **** مناطرة النجمات


خلونا ايد بايد **** نبني بلد منهار
خيرات عدنا أكيد **** مو نهر عدنا أنهار
هذا عراق الصبر **** ترخص له الأعمار


باجر يعود الفرح **** والبسمة للأطفال
لابد نشوف الصبح **** الليل مهما طال
لو بينا مية جرح **** بعد الصبر شلال


يوم اللي نزرع حب **** صدقوني نحصد حب
وما دام احنا أهل **** ويجمعنا أرض ورب
أهل الحضارة نظل **** وما عدنا أي شي صعب

شمال وجنوب ووسط **** أخوة احنا متحدين
سنة وصابئة وشيعة **** تركمان ومسيحيين
ما نفترق للأبد **** شما سووا المغرضين

منريد حسرة أب لا منريد **** منريد دمعة أم لا منريد
ندعي بصلاة الصبح **** يا رب شيل الهم
عراق واحد يظل **** يجمعنا كلنا علم


مع تحيات اخوكم
حسيــــــــــ زيدان ـــــــــــــن