اهداء الى زيد البابلي
...... ........ .........
خاطر عندي يمك .؟ ما اضن عندي
شكرا انه رايح ما ارد النوب
ترتاح انت اكثر والله من بعدي
داريتك ورد كلساع امرن بيك
ردت منك تحب وتحبني بس وحدي
اراضيك وجرح بكليبي ينزف ضيم
وعين بعين اشوفك تنكلب ضدي
حبيتك صدك ماجاملت فد يوم
ومن حبك ولك والله احترك جدي
تتعزز علييه وتطلع ويه الغير
ليش انه شبدر يفلان من عندي
ماضايج ابد منك ولا زعلان
بس نار بدليلي وورثت جبدي
من المايشوفك انه اغار اعليك
من نفسي واضمك اختل بسدي
يارب اليشوفك تنعميله العين
وعيون البشر كدامك تصدي
اجيت الخاطرك اكتبلك انه اشعار
خاطر عندي يمك ؟ ما اضن عندي
شكرا انه رايح ما ارد النوب
ترتاح انت اكثر والله من بعدي
الف واحد يحبك كومه الي يحبوك
بس وينه اليحبك مثلي وبكدي
انه المن ابوسك اشعر بادمان
واصيرنلك عبد لو لامست خدي
وينه الي يعبدك مثلي لو يهواك
وينه الي يشوفك جن حلم وردي
وينه الي يضل بالليل الك سهران
يكتبلك شعر ويرد الك يهدي
كم مره اغلطت واغفرلك انه ذنوب
اقشمرني واكول النفسي اتهدي
أبدي من جديد وأكلب الصفحات
كل صفحاتي خلصت كلي وين أبدي
مجنون انت والله وتعبتني هواي
وخاطر عندي يمك ما اضن عندي
شكرا انه رايح ما ارد النوب
ترتاح انت اكثر والله من بعدي
مع تحيات حسين زيدان
الإثنين أبريل 21, 2008 8:17 am
