حوار بين حـــبيب وحــبيبته

عووووفيني درربي صعب

هو / تعبان من الوكت ..
وتعبان من روحي ..
والصخر يبچي ويون ..
لو يحمل اجروحي ..
تعبان گلبي خلص ..
وماضل بعد بالعمر .. بس ونتي .. ونوحي ..
عوفيني دربي صعب ..
خايف يجيسچ تعب .. عوفيني وروحي ..
هي / شتريد اعوفك تظن ..
اگدر على غيابك .. ؟
مو روحي شجرة صبر ..
وانزرعت ابابك ..
انظر گضاني القهر ..
وصبرت گوه الگلب ..
يتحمل اصوابك ..
مية الف موته متت ..
لاتعتب اعله الگلب ..
دمرني اعتابك ..
هو / خليني وحدي احترگ ..
وخل ناري بيَّ تشب ..
وبظيمي اريد ابتلي ..
ولوحدي امشي الدرب ..
مالچ ذنب بالجره ..
يم وكتي كل الذنب ..
هو الاخذ فرحتي ..
وبناره چوه الگلب ..
نادم انا اعله الوكت ..
ونادم على اللي صار ..
اشوازاني وآنه ابنفط ..
واتگربت للنار ..
ومحتار أنا ابدنيتي ..
أو وياچ هم محتار ..
واشجابرچ عالقهر ..
بيَّ آنه وكتي اندار ..
عوفيني اريح الچ ..
وخلي المضى تذكار ..
هي / اشلون اعوف المضى ..
وياهو الينسيني ..
ولا آنه ارضى البعد ..
ولا روحي تنطيني ..
جيب اشمعندك صبر ..
بلكت يسليني ..
وهاك اخذ كل دمعي الك ..
هو اشبقى بعيني ..
وسفه اعله ذاك التعب ..
ما ترجع اسنيني ..
حسبالي توفي صدگ ..
وبحب توافيني ..
أشمدريني بعد الوفه ..
ابهجرك تجازيني ..

الف شكر حبيبي الغالي على الكلمات الجميله

انشاء الله نحو الافضل تحياتي لك مني احلى السلام
زيد البابلي

عدد الرسائل : 10 تاريخ التسجيل : 18/04/2008

يسلمووووووو زيووووون

حوار بين حـــبيب وحــبيبته 3rb100_Woto1o6m7X

عدد الرسائل : 137 تاريخ التسجيل : 19/04/2008

زيون معبره كلش عاشت الايادي وين الوفه ماكو وفه قليل كلش مشكور على القصيدة الحلووه

اشكركم على المرور الجميل عطرتو الموضوع بردودكم وطلعا تفرحني ردودكم الحلوة