حــديقة يريد يتزوج

الله يساعدهم
طبعا هاي شاب عراقي وهوه حديقه مع احترامي لحدايق ومتنزهات العراق كلهوووم
بس هاذا الحباب يقهر تعالو شوفو اشصار بي ختيه ههههه
الحديقه يتكلم ويروي قصته بنفسه (فصيخه مو بيديه خخخخ)
فد يوم جنت محدّق... فلوس ماكو وموغف على نفسي ونت مكطوع وماكو شي اسويه بس كاعد اكلب بالستلايت
اي عيني شعبالكم عدنة ستلايت لا وياه هم تلفزيون اي خالووو وبيدي الرموت ومكشن على القنفة وكاعد صفح وراها جان اكوم
ادور بالبيت المهم صفنيت على المجلات المهم داكلب جان اشوف صورة مغنية اول مرة اشوفهة وجان اقرة اسمهة مادلين مطرررر
راسا رحت جبت الشمسية وضليت اباوع عليها وقرررت اتزوج وحدة مثلها ! وماجذبت خبر راسا صيحت او جوعرت بصوتي الجوهري
وكلت يوووووووووووووووووم .يومممممممممممممممممم انلبست جان اعيط اقوة يووووووووم المهم اجت امي كلتي شبيك انتلت كللللليش اجتي الوطنيه (اقصد كالت يبو انتل ويلدي )
وكلبتة عزا كلتلها كلشي ما بيا بس اريد احجي وياج بموضوع مهم على اساس اني فد شخصية وكعدت رجل على رجل
كلتها اني ابنج الجبير وقررت اتزوج اول شي اجتني كفخه بس من جنب القائم
وراها نمت بالكاع وكمت ابجي وأرفس (باكة اكرفس) المهم اقتنعت وكلتلي منواتريد ؟ اني راسا كلتها ماعندي وحدة بس اريد وحدة تشبه
هاي ورحت قصيت الصورة ورة شهر تقريبا كالتي لكيتلك البنية وحجيت وية اهلها والخميس اتروح تقرة الفاتحة وتشوفها المهم رحت
لبيتهم دكيت الجرس طلعلي ولد صغير جان يكلي منو انتة؟ كتلة اني رجل اختك جان يكوم يصيح هذا ابو خشم مايتزوج اختي
وبقة يصيح ويفتر بالبيت المهم اجة ابو البنية واني راسا سويت نفسي مؤدب واستحي وعيني بالكاع فوتني للصالة الرجال
وكعد يسئلني عن اصلي وفصلي ومن هالخرايط وجان تجي العروسة اني مستحي وعيني بالكاع وكاعد ارسم دوائر باصبع رجلي
الجبير على ابو اني خوش ولد وجان ارفع راسي واشوف فد حولي كدامي فريت راسي يمنة يسرة ماكو بس هية .
الله لا يشوفها لواحد لك عااااااااااااااااااااااااا ما احجيلكم على البخ الي بوجها ولا احجيلكم لا الجهرة الي تخبل عبالك مردانة دايس عليها
حصان وتافلة عليها ذبانة ماكو شي بوجهة براسة خير لا من خشم ولا من ملامح هسة النوب اريد افلت ما اكدر اتورطت
اول ما طلعت شفت اخوة وكام يصيحني ابو خشم وجان اجيبة بدفرة لزكتة بخشم اختة وراها تعارك وية ابوها استلمتة كلات
واول ما رجعت للبيت رحت على امي كتلهة ليش شمسويلج كالت عمة شبيك ابن الحباب كلتها هاي محلوة كالت انتة الي ردتها
وهاي الصورة وجان اطلعلي صورة لميعة(الي ميعرفهه احسنله خخخ) توفيق اني صفنت جان اقلب الصورة وتطلع مادلين بظهر الصورة عاااااااااااااااااا اكو هيج فكر

هههههههههه
صدوووك فكر وميصيرله جاره
__________________

حــديقة يريد يتزوج 21

ههههههههه تحياتي يالغالي هههههه
مشكوووووور

تقبل مروري البسيط

تحياتي

حبيبي الغالي اشكرك على مرورك الجميل تقبل مني اجمل تحية

حبيبي الغالي اشكرك على مرورك الجميل تقبل مني اجمل تحية